21:09 ԲԻԲԼԻԱԿԱՆ ԱՐԱՐԱՏ ԼԵՌԸ | |
Ճանաչենք
ինքներս մեզ նախագծի շրջանակներում ցանկություն
առաջացավ ներկայացնել պատմությունը մեր բիբլիական լեռան, որի մասին համռոտ ներկայացնում
եմ ստորև: Հայկական
բարձրավանդակը լեռնային երկիր է: Հայկական բարձրավանդակի ամենաբարձր լեռնագագաթը Մեծ
Մասիսն է, Արարատը`5165մ. հնում, 5156մ. և
նորագույն չափումների համաձայն 5170մ.: Մասիս անվանումը Մասու ձևով առաջին անգամ հիշատակվում
է մ.թ.ա. երրորդ հազարամյակում մարդկության պատմության առաջին շումերական <<Գիլգամեշ>>
էպոսում: Մասիս անվանումն ունի մի քանի ստուգաբանություն` առաջինի համաձայն այն առաջացել
է ըստ հին հավատալիքների, աստվածների մեծ մոր` Մա աստվածուհու անունից, որը բնակվում
էր բարձր լեռների կամ սիսերի (լեռ) գագաթներին: Այստեղից էլ առաջացել է Մայի սար կամ
Մասիս անվանումը: Երկրորդ ստուգաբանության համաձայն Մասիս անվանումն առաջացել է Հայկ
նահապետի անունից, որը բնակվում էր լեռան դիմաց գտնվող Արմավիր քաղաքում, որի մասին
տեղեկություն է հաղորդում Մովսես Խորենացին: Երրորդ ստուգաբանության համաձայն Մասիս
անվանումն առաջացել է Աստվածաշնչյան Մասեքի անունից: Հրեաների առաջնորդ Աբրահամն իր
որդուն` Իսահակին մյուս կանանցից ծնված որդիներից բաժանելու համար ուղարկում է տարբեր
ուղղություններով: Նա իր հարճերից մեկին` Մասեքին, նրանից ծնված որդու` Եղիազարի հետ
միասին ուղարկում է դեպի հյուսիս` Հայաստան: Մասեքի անունից էլ առաջացել է Մասիս անվանումը,
իսկ Եղիազարի անունից`<<Եղեւն կամ ազատն Մասիս>> անվանումը: Արարատ անվանումը,
որպես Մասիս անվան հոմանիշ, առաջին անգամ Արարդու ձևով հիշատակվում է մ.թ.ա. 714 թվականին
Ասորեստանի Սարգոն 2-րդ թագավորի դեպի Հայաստան ձեռնարկած արշավանքի արձանագրության
մեջ: Արարատ անվանումն իր ուղիղ ձևով առաջին անգամ հիշատակվում է Աստվածաշնչի Հին Կտակարանի
Ծննդոց գրքում` կապված համաշխարհային շրհեղեղի և Նոյան տապանի հետ: Ըստ պատմիչ Խորենացու,
լեռան Արարատ անվանումն առաջացել է Արա նահապետի անունից և շատ անգամ լեռը կոչվել է
Արայի սար կամ Արայի արատ: Արարատ լեռը օտար ժողովուրդների կողմից անվանակոչվել է տարբեր
անվանումներով`թուրքերն այն անվանում են Աղրի դաղ (ծանր լեռ), պարսիկները`քուհե Նուհ
(Նոյի սար), արաբները` հարիս ( արիական ժողովրդի սար): Հնագույն ժամանակներից տեղի
ունեցած մի շարք ավերիչ երկրաշարժերի հետևանքով Մեծ Մասիսի վրա առաջացել է մի փլվածք,
որը ժողովուրդը հետագայում անվանեց <<վիմ Մասեաց կամ վիհք Մասեաց>>, որ
նշանակում է Մասիսի խորխորատ: Մասիսի խորխորատում է գտնվում Գինո գետի ափին կառուցված
Ս. Հակոբի վանքը, որն ավերվեց 1840 թվականի երկրաշարժի ժամանակ: Մասիսը դեռևս հին ժամանակներից
գրավել է ճանապարհորդների և գիտնականների ուշադրությունը: Այն հնուց ի վեր դիտվել է
որպես սրբազան լեռ:13-րդ դարի Ֆրանսիացի ճանապարհորդ Ռուբրուկի վկայությամբ, ոչ ոք
չպետք է բարձրանա Մասիսը, քանի որ այն աշխարհի մայրն է: Մասիսը դարեր շարունակ հանդիսացել
է հայոց թագավորների որսատեղի և ինչպես վկայում է 13-րդ դարի արաբ ճանապարհորդ Յակուբը,
այստեղ են գտնվել հայոց թագավորների շիրիմները
և նրանց գանձերը: Մասիսն իր հարաբերական բարձրությամբ աշխարհի ամենաբարձր սարն է: Նրա
հարաբերական բարձրությունն է 4200-4300մ.: Այդ հարաբերական բարձրությունն էլ Մասիսին
տալիս է հմայք: Այն իր վեհությամբ համարվում է աշխարհի գեղեցկագույն սարերից և դա այն
պատճառով, որ դիտորդի աչքին այն բարձրանում է իր ողջ վեհությամբ: Ֆրանսիացի նշանավոր
գիտնականներից մեկն ասել է, թե չկա ավելի գեղեցիկ և կենտրոնական գագաթ, Բարեհուսո հրվանդանից
մինչև Բերինգի նեղուց, քան Մասիսն է:
| |
|
Մեկնաբանություններն ընդամենը՝: 0 | |