19:23 Սուրբ Պատարագի խորհուրդի մասին | |
Ո՜ վ աղօթարար, աղօթքը
շարժումն է այն պարանի, որի մի ծայրը կապուած է երկնքում կախուած զանգից, և որքան ջերմեռանդ
աղօթես, այնքան քաղցր կհնչեն զանգակի ղօղանջները, և Աստուծոյ ամենահաս ձեռքը կմերձենայ
քեզ: Տ. Օշական վարդապետ
Կիւլկիւլեան Մարդ արարածը՝ Արարչագործության
զարդն ու պսակը, սատանայի դրդմամբ՝ վտարվեց դրախտից ու զրկվեց Աստվածապարգև շնորհներից:
Անշուշտ Աստված հողեղեն արարածներին չթողեց բախտի քմահաճույքին, այլ մարգարեների միջոցով՝
ցույց տվեց իր հայրական անսահման սերը, և մարդկանց հոգիների փրկության համար իր Միածին
Որդուն առաքեց աշխարհ, ով չարչարվեց և խաչի վրա հեղված իր կենարար արյամբ գնեց մեր
մեղքերը: Պատարագ նշանակում է զոհ՝ ընծա, նվեր և զոհաբերվողը հենց ինքը՝ Հիսուս Քրիստոսն
է, որ յուրաքանչյուր պատարագի ժամանակ՝ որպես բանական զոհ, ընծայաբերվում է Աստծուն՝
մարդկանց մեղքերի քավության և թողության համար: Պատարագի բուն առանցքը կազմում է Հաղորդության
Սուրբ խորհուրդը, որը հենց Հիսուսն հաստատեց Խորհրդավոր ընթրիքի ժամանակ: Պատարագը
բովանդակում է Հիսուս Քրիստոսի մարդեղության ողջ խորհուրդը, կյանքի դրվագները՝ ծնունդից
մինչև հոգեգալուստ, որոնք արտահայտվում են Աստվածաշնչական ընթերցումներով, շարականների
երգեցողությամբ, սաղմոսներով, խրատներով, քարոզներով ու աղոթքներով: Սուրբ Պատարագը բաղկացած
է չորս հիմնական մասերից. Ա. Պատրաստություն,
որը աղոթքներով սրբագործում է խորհրդակատար քահանային և ժողովրդին՝ հավատքով և երկյուղածությամբ
պատրաստ լինելու պատարագի մատուցմանը: Այն խորհրդանշում է Հիսուս Քրիստոսի մարդեղությունը: Բ. Երկրորդ մասը կոչվում
է երախայից կամ ճաշու պատարագ և խորհրդանշում է
Քրիստոսի գործունեությունը: Գ. Երրորդ մասը կոչվում
է հավատցելոց կամ սրբեցելոց պատարագ, որի ընթացքում հացն ու գինին, Սուրբ Հոգու ազդմամբ,
պատարագչի աղոթքներով սրբագործվում են՝ փոխակերպվելով Քրիստոսի մարմնին ու արյանը:
Այն խորհրդանշում է Վերջին ընթրիքն ու Ավագ շաբաթը և համարվում է բուն պատարագ: Դ. չորրորդ և վերջին
մասը կոչվում է վերջին օրհնություն և արձակում և խորհրդանշում է Համբարձումն ու Ս.
Հոգու գալուստը, որի ընթացքում օրհնություն և արձակում է շնորհվում հավատացյալներին: | |
|
Մեկնաբանություններն ընդամենը՝: 0 | |